🎤Студиямызнынъ невбеттеки мусафири – йырджы Вероника Балабанова. Генч иджраджы озь иджадий ёлу, бегенген йыр ве жанрлар акъкъында тариф этти, юнан тилинде дюльбер йырнынъ къысмыны йырлап берди. Субетимизни динъленъиз! 🎶Гость программы «Хош лаф» – певица Вероника Балабанова. Молодая исполнительница рассказала о своём творческом пути, любимых музыкальных жанрах и исполнила отрывок песни на греческом языке.
«Бизим тараф» - саба яйыны! Сизлер иле эрте тургъан, сабаны яхшы кечирмеге ярдым эткен, чокъ кульген ве йырлагъан «Бизим тараф» яйынынынъ алып барыджылары эр иш куню саат 8-ден 10-гъа къадар сизлер иле оладжакъ! Бу яйын тебессюмлернен берабер махсус эдиелерни багъышлар, амма энъ эмиетлиси - о сизлер иле субетлеше, дертлеше, куле!
Эм ичтимаий агъларда, эм де телефон вастасы иле сизинъ хайырлавларынъызны къабул этип, къуванчынъызны бутюн Къырымгъа бильдире биледжексинъиз! Демек, догъгъан куньлерни, юбилейлерни, дигер шенъ куньлеринъизни “Ватан седасы” радиосы иле кечиринъиз!
Музыка-юрегимизге хошнутлыкъ багъышлай. Дюльбер нагъмели, кучьлю, юрекнинъ индже теллерининъ кошелерине кире, эеджанландыра, истер-истемез тюшюнджеге далдыра. Музыка алемининъ сонъки янъылыкълары, тап-тазе премьералары, ве эстрадамызнынъ истидатлы, генч иджраджылары сизни чешит жанрларда музыка иле таныштыраджакълар. Эминим, буюк зевкъ иле, оларны динъледжексинъиз. Эр салы куню Ватан седасында саат 16-да «Музыка эзгилери » яйыныны къачырманъыз!
Къырымтатар халкъымызнынъ мукъаддес бир икмет, ахлякъ ве бильги чокърагъы бар. О бизге такъва, мераметлик, федакярлыкъны огрете. Онынъ ады Ислям дини. Эр джумаакъшамы саат он бирде Къырым мусульманлары Диний Идареси иле бирликте япылгъан бу азиз ве акъ динимизге багъышлангъан “Ислям нуру” программасыны джанлы эфирде динълемеге теклиф этемиз!
Къырымтатар эстрадасы фаркълы жанрларда ве мевзуларда олгъан йырларынен байдыр! Эр бир келишкен мевзуны сайляп, «Музыкалы куреш» программасы къырымтатар музыкасынынъ дюльберлигини косьтере. Музыка хазинемизден дюльбер йырларны динълеп, эм музыкалы янъылыкълардан хабердар оламыз ве энди мешур йырларны унутмаймыз. Келинъиз, ичтимаий агъда ерлештирген соравымызда иштирак этип, энъ бегенген тюркю ичюн озь рейлерини берейик. «Музыкалы куреш» программасынынъ девамында нетиджелер джума куньлери екюнлене. Сизинъ рейлеринъизге коре биринджиликни къазангъан йыр ве йырнынъ иджраджысы эфиримизде янгъырар.
Хаберлер яйыны - Къырымнынъ энъ актуаль адисе-вакъиаларны ачыкълай. Икътисадиет, медениет, тасиль, спорт сааларны къаплап алгъан информацион яйын. Эр кунь Акъмесджитте ве Къырымда олып кечкен малюматны ачыкълай ве динълейиджиге такъдим эте. Кунь девамында къырымтатар тилинде чыкъкъан энъ тазе хаберлер иле таныш олмагъа теклиф этемиз.
Къырымтатар миллий музыкасынынъ инджеликлерини огренген, халкъ йырларыны буюк усталыкънен иджра эткен ихтисаслы чалгъыджылар мефтюн этиджи тюркю ве миллий эсерлеримизни иджра этип, миллетимизнинъ рухуны котерелер. «Чалгъыджы» программасыны эр джумаакъшамы, саат 16-де къачырманъыз.
