Бу сефер «Ханымлар алеми» программасынынъ мусафири гузель, истидатлы, аджайип ханымларымыздан бири бала байрамлар студиясынынъ ребери Эльвира Усеинова иле субетлешеджемиз.
 Бу инсан байрам азырлыкълары акъкъында эр бир шей биле, ве энъ эсасы балачыкъларымыз ичюн тылсымлы ве мухтешем байрам муитини ярата. Балаларны къувандырмакъ буюк саваптыр, оларнынъ тебессюмлери биз ичюн энъ къыйметли шейдир. Эльвира ханым ве онынъ командасы энъ юксек севиеде балалар байрамларыны яраштыра ве балаларнынъ истеклерини, дюнья бакъышларыны, зевкъ ве меракъ догъургъан дуйгъуларыны пек яхшы билелер ве ис этелер. Программамызнынъ мусафири бала байрамлар студиясынынъ ребери Эльвира Усеинова иле бу ишнинъ энъ меракълы ве бельки де сырлы тарафларыны ачыкълайджакъмыз